積金界男神、40歲出頭嘅友邦退休金管理及信託行政總裁馮裕祺（Stephen），每年聖誕都鍾意表演撚手廚藝，今年佢選擇扮陳豪，沖杯Cappuccino，可惜中間有啲失手，要師傅幫手補飛。
Stephen一路沖咖啡，不忘要show吓佢對咖啡嘅知識，例如Latte只解做「牛奶」，去意大利想飲杯真．拿鐵，記得要講「Caffè Latte」；牛奶又唔可以過熱，溫度要維持40至60度；Expresso就故名思義，好快沖完。
佢講到頭頭是道，但當佢要灑朱古力粉喺咖啡面上砌字時，就屢次撻Q，最終因為時間關係，要由師傅出馬，不過整體都有板有眼嘅。
沖完咖啡，Stephen順便賣廣告，指中環舉行嘅友邦嘉年華即將開波，此乃拍拖勝地云云。唔知呢位未結婚嘅積金界男神到時係咪去sweet sweet呢？