阿仙奴領隊雲格家陣除咗擔心歐聯抽中皇馬或者拜仁，仲愁緊點樣留住兩大猛將阿歷斯山齊士同奧斯爾（圖）！佢哋同兵工廠嘅合約仲有18個月屆滿，但續約洽談唔多順利，講嚟講去咪係錢作怪！山神嘅經理人講明有中超球隊出40萬鎊（約394萬港元）周薪挖角，大眼仔亦企硬要求38.4萬鎊（約378萬港元）呢個全英最高周薪，你話一向謹慎理財嘅雲格點會唔頭痕？