聖誕期間，樂韻悠揚，聽到聖誕歌，都寧舍令人笑呵呵。港鐵旗下嘅3個商場包括德福廣場、青衣城同PopCorn都與眾同樂，非常有心咁聯繫咗商場所在區域嘅學校、音樂同舞蹈團體舉辦「聖誕歌聲馬拉松」，原來今年有多達約50間學校、團體響應，本月10日、17日、18日及平安夜，會喺上述3個商場輪流為大家報佳音，除咗唱聖詩同演奏樂器，仲有歌舞同短劇。
除咗聽歌，3大商場仲有其他聖誕裝置，例如PopCorn嘅「聖誕夢幻鏡之國度」，就用咗近百塊巨型鏡子打造嘅「炫目鏡迷宮」，仲有綴上千粒星燈嘅「浪漫星海」鏡屋裝置，聽歌之餘又可以selfie，靚相指數肯定爆燈。