空姐空少在機上不時被乘客要求協助搬行李，她/他們按情況會伸出援手。惟有空姐在facebook控訴，有市民變本加厲，在機場巴士上要求休班空姐把行李搬上行李架，遭拒絕後更有關人等竟出言指駡空姐為「侍應」甚至「飛雞」，又舉機拍攝稱要向其航空公司投訴。
有空姐在fb專頁「CX Secrets」撰文稱，於上周下班時未有更換制服，乘搭機場巴士時竟被兩名女子，要求把體積龐大的行李搬到架上。事主有感自己力氣不夠，為免意外受傷婉拒，向對方指「唔好意思，我手腕整親左，唔方便幫你」，惟對方感到不滿，破口大鬧「好巴閉咩」，並拍下照片出言威嚇稱「唔知我哋send相去佢公司投訴，佢會唔會冇咗份工呢？」
該空姐續稱，該兩名相信是母女關係的女子之後更尾隨她下車，沿途繼續舉機拍攝。她坦言事後「仲覺得有啲驚」，害怕因此被起底和網絡公審，怕萬一被投訴會影響仕途，「我做咗短時間，個file白紙一張唔想花，office又唔識人」。大批網民力撐事主根本無責任要幫忙，「飛機都唔會幫啲客搬，點解去到巴士要驚？」，又比喻「你去大家樂見到著McDonald's制服嘅員工都唔會叫佢幫你抹枱掛」，身穿制服並不代表須24小時服務。