方嘉柏馬房、身價1300萬的「瑰麗傳奇」，上仗打開在港勝門，在雷神莫雷拉胯下拋離對手，表現非常矚目。賽後馬主文壽強和一班藝人一起拉頭馬，整個凱旋門變得相當熱鬧。「瑰麗傳奇」本周三(7日)將再配雷神跑同班同程，角逐第九場二班1800米，唔知文壽強有冇信心再贏呢？
文壽強說：「上次睇雷神騎仔仔（『瑰麗傳奇』的花名），真係唔似騎馬，似揸住部風馳電掣的電單車，走位一絕。仔仔上場形勢非常有利，除了輕磅還贏了跑道形勢，步速又夠快，對仔仔好有利。今場又只是面對同一班對手，只是多了兩匹，分別是『包裝騎士』及『太陽喜喜』。」
文壽強續說：「其中『包裝騎士』唔好彩排12檔，此馬需要搶放，我估計牠前段耗力甚多。至於『太陽喜喜』與上賽只相隔十天又跑，上場『太陽喜喜』(得亞軍)在末段短兵相接時，柏寶的車輪鞭打到未停過，只隔十天又比賽，相信比較吃虧。如果今次有正常步速，我對『瑰麗傳奇』充滿信心，希望牠可以有幸運之神眷顧，再下一城。」