【本報訊】民主黨周日改選領導層，胡志偉當選主席即向特首梁振英宣戰，他不認為此舉是宣示上場後民主黨要作風強硬，笑言「一向好強硬」，只是「唔追求一刻火花」，而是以「和理非」手段長期作戰。他指自決派與民主黨同樣爭取民主政制，而他對中央落實香港普選仍疑中留情，對與中共溝通保持戒心。
記者：陳雪玲
民主黨2010年提出區議會方案被政府接納，最終支持通過政改方案，當年構思此方案的正是胡志偉；2013年政改重臨，胡試過絕食16天爭普選，參與佔中、剃頭明志，結果政改拉倒，香港進一步撕裂。胡直言：「當我哋2010年通過政改方案，心目中諗緊2012年普選行政長官，但喺8.31框架之下原來唔係，原來你係諗多咗。」
「唔好畀藉口中央干預」
縱然「諗多咗」，但胡仍認為香港要落實民主政制，避不過與中共打交道，故他上場後該黨仍不抗拒溝通：「中央政府同共產黨係好擅長搞分化、滲透，或者拉一派打一派嘅統戰手段，我哋自己都要好清楚小心，我自己從來唔會因為吹和風而放下對中央政府嘅戒心。」
他提出側擊方案，先放下普選特首爭議，優先處理普選立法會，但「（雙普選）目標冇變過」。上次政改被「走數」，仍信中共會讓香港有普選？他說：「坦白講一句，我真係只能疑中留情。」他強調絕非不提撤回8.31，「我唔想跌入語言陷阱……我只係話新版本（政改）唔一定要跟原先戲軌，我嘗試提出掉轉行」。
他重申民主黨不認同港獨是出路，又指做一些觸動中央神經的事前要深思，「唔好畀藉口中央借啲易干預香港、或者插隻手埋嚟，令到我哋失去更大嘅戰場……當你做一件事，唔係用把口講，唔係講獨立，如果真係講吓就算，未諗清諗楚，正正係犧牲咗社會整體利益」。
甫上場即向梁振英宣戰，胡以死局形容梁的管治，「好似打麻雀咁，你經歷四圈咁差，都想執過位，起過風，博一博，可能都係輸，唔知㗎，但有一樣我知，跟住佢（梁）打落去，成個社會就散晒」。至於財政司司長曾俊華，市民或覺他的管治較切合民情，但若政制不變，即使曾當選亦只得很短的蜜月期，但胡笑言：「起碼唔好再見到梁振英先啦。」