金管局部「神沙車」竟然激發後生仔嘅創業商機！
星展噚日舉辦 「飲食業創新科技——格鬥擂台」比賽，有翠華（1314）太子爺李祉鍵（Kenji）等飲食界代表擔任評判，從八間startup中，選出冠亞季軍，奪得冠軍嘅startup，就係諗到創製「神沙機」嘅Heycoins，獲2萬元獎金。
Kenji認為，Heycoins夠晒creative，創作理念十分出眾，能夠處理到市民一大堆散銀之餘，仲可以幫到餐廳解決唔夠散銀用嘅問題，皆因Heycoins收集到嘅散銀，會賣畀細型餐廳，方便佢哋有足夠散銀找錢。
Heycoins嘅「神沙機」計劃明年3月啟用，市民可以透過「神沙機」將散銀換成現金券，應用於不同商戶。服務範圍集中於香港與九龍區，只得10至20部。