星期日就係特首選舉委員會投票日嘞，到底挺梁定倒梁派大勝？暫時當然未知，但顯然今次參選人士中，唔少人都覺得有其他人選好過現任嘅梁振英，咁諗嘅人肯肯定包括自由黨榮譽主席田北俊。
田少今屆會喺商界（第一）出戰，上屆佢係界別票王，實力相當，今次佢唔再單拖上陣，而係孖住陳浩濂一齊拉票。其實香港嘅獨特之處係喺一國兩下保持兩制，田少喺宣傳單張hard sell自己係「香港仔」，強調自己好愛香港，更加希望孫仔孫女喺呢片土地安居樂業。
之但係𠵱家最大嘅問題，相信唔使田少講，大家都感受到，就係現屆特首帶領下政治環境大變，市民怨聲載道，難怪田少都話，為咗香港嘅未來，若然當選，會慎重選出獲廣泛市民認同嘅新特首。