【廣州直擊】梁詠琪（GiGi）的巡迴演唱會，前晚唱到第六站廣州站。她在台上分享近年創作歌曲心態改變了，又指自己過去五年變化好大，她說：「我都有迷茫時候，但自己同自己講，嗰個人可能未出現，時候未到，最終嗰個人（老公Sergio）終於出現，仲結埋婚。」
雖然老公Sergio及囡囡Sofia未有現身廣州站，但台上播出一家三口搞笑短片，Sergio𠱁老婆變身MJ跳舞，GiGi讓他錫錫時，囡囡忽然在二人中間冒出來。GiGi又謂現在每次出埠工作，最不捨是囡囡，老公每次都會抱囡囡送她出門，直至她上車，她每次都會喊。前晚GiGi請來監製陳少琪囡囡陳明熹任嘉賓，陳明熹指當日爸爸反對她做音樂，幸修讀音樂課程後能順利出唱片。
被讚表現跳脫
演出後GiGi接受傳媒訪問時說：「我今日喉嚨痛，好彩順利完成。喺上海站遇到頸椎移位，之前西安又要趕返嚟出席細佬婚宴，初初都怕體力應付唔到。」有指她在台上表現越來越跳脫，問到老公對她影響是否很大？她坦言：「都係㗎，𠵱家開心冇牽掛。」
聖誕陪實囡囡
GiGi又透露聖誕節會放一個短假期，爭取時間跟囡囡相聚，之後還要應付美加站，約有六至十場，她說：「如果生完第二胎先做可能會好攰。」是否會努力造人？GiGi指明年下半年會休息，如果造人就要積極。問會否辦香港演唱會？她說：「未必搞，應承咗老公交人。」
採訪、攝影：曾小嘉