【西環】現年33歲的陳柏宇（Jason）不經不覺已經入行十年，早前不但圓了心願完成個人演唱會，又自爆已帶拍拖五年的女友符曉薇返加拿大見家長，大家都視對方為終身伴侶，並且決定在明年7月2日，即拍拖紀念日舉行婚禮，可謂事業愛情兩得意。
跳舞攬實扮連體
大事都安排妥當的Jason心情似乎很愉快，日前中午12時他跟女友到西環一間茶餐廳用餐，同行還有一位較年長的女友人，食飯時Jason跟女友已經不時耍花槍旁若無人。埋單後Jason跟年長女友人道別後，只剩下兩口子時他更加肆無忌憚，突然從後攬實女友扮「連體嬰」，之後又在大街上不停扭動跳舞，十分有節拍感，身旁的女友不知好氣還是好笑，Jason見女友笑得開懷便跳得更加落力。跳了大概幾分鐘後，Jason終於回復「正常」拖着女友到附近的一間寵物店購物，最後才返家。
陳家樂甩智慧齒
另外，Jason跟陳家樂昨日在慈雲山出席《好嘢大行動》閉幕盆菜宴，家樂接受訪問時自爆剛剛脫了兩顆智慧齒，令他口齒不清，又透露早前跟惠英紅到泰國拍攝鬼片《綁靈》，今趟當大哥哥帶領幾位新演員，他笑說：「唔係，不過佢哋覺得我老pat pat，畀好多信心我。」他指即將會拍一套有關音樂的電影，預計下月開拍，故事講述一班同道中人玩音樂。自言放下結他多年的家樂，要不斷排練才重拾感覺。
採訪、攝影：黃曉程、朱志聰、羅慧敏
