八方成日做街訪，問遊客嚟香港去邊度玩？個個都答去海洋公園。自從1977年開幕到𠵱家，呢隻住喺南區嘅海馬已經陪住大家40年。為咗慶祝40大壽，公園嚟緊會搞「集體造回憶」攝影比賽，喺12月7日至29日，只要將一幅2011年或之前喺公園影嘅相，加上一幅今年喺公園影嘅近照，上載到集體造回憶攝影比賽網站（ https://40a.oceanpark.com.hk ）就可以參加。公園會以先到先得方式送4,000張飛畀合資格參加者，拎到幾多張飛，就取決於兩張相入面夾埋有幾多人，換言之搵到越多朋友一齊影相就越好。
所有上載嘅相會喺12月7日至31日接受公眾投票，得票最多嘅可以贏取有效期長達10年嘅海洋公園智紛全年入場證優越卡4張，畀你瘋狂去公園玩製造回憶。得獎結果喺明年1月10日公佈。