失驚無神！水貨版Samsung突然有新機落場，佢就係國內版的Galaxy C9 Pro（$3,880）！
大家都知道，叫得Pro版，而且仲要國內玩獨家，香港唔會有行貨出，一定係精品佳作，因為出機原意，好大情度上是為打開國內Market而製造！正如去年的Galaxy A9 Pro，曾入手者都知佢雖走大件夾抵食、中階機路線，但實際操作能力，卻可與同當時機王的Note 5相媲美。
Galaxy C9 Pro開機第一吸引點，係個芒真係好大！因為起用了6吋巨屏，而且畫面質素非常高，原因是使用了貴價的Super AMOLED，儘管解析度只是1920 x1080，但感覺已經畫質實淨兼收貨；處理器行Snapdragon 653，是6系處理器中最頂級一粒，不過最嚇人者是行6GB RAM，記憶中這是Samsung手機中的首次！
操作感覺可以用非常順暢形容，記者都有用C7！亦係現時市場上最熱賣的Samsung手機……但C9 Pro的操控感，明顯贏上了一點點。不過最開心者，是機身唔似上代A9 Pro，為了中階機及高階機的市場區間問題，而將機身刻意造得偏厚；C9 Pro的機身尺寸只冇162.9 x 80.7 x 6.9mm 、重189g，如果硬要說似甚麼手機的手感，我說似iPhone 7 Plus吧，是機大！但手感仍覺潚灑。
C9 Pro另一大賣點是相機功能，雙1,600萬像素鏡頭，影相感覺唔似同為中階機的C7般，硬是感覺顏色死實，有中、高階手機的色彩表現能力，而且玩法頗多，就連近年女士最愛的美白效果、大眼效果，甚至肥通最愛的瘦面效果，都加入自拍鏡頭之中。
插卡位是不少經常外遊人士的着眼點，C9 Pro隨有雙卡雙待，還要另加microSD插槽，所以全機合共有三個插位！這個可不是一般機王級的待遇；整體評分，論性價比明顯是暫時市面上Samsung最強的手機！估計忽然出如此重招的原因，可能是在Note 7回收後，在欠缺機王級手機撐場下，Samsung特意出一部高性能的中階機王，以讓一眾機迷有機好用吧！
查詢：三禾電氣（旺角先達廣場1樓F33）
記者、攝影：朱崇德
