李斯特城射手占美華迪夠晒愛屋及烏，就算佢哋兩公婆已經有一個囡囡蘇菲亞，兼且碧琪已經陀住佢哋第二個愛情結晶品，但係華dee都肯正式領養碧琪同前夫生嘅囡囡美瑾，而11歲嘅美瑾仲會將自己嘅中間名改成華迪㖭！英國《太陽報》爆料話：「華dee真係好興奮，雖然佢已經當正美瑾係自己個女，而美瑾都承認佢係老竇，不過呢個關係得到法律認可就更好啦。」