高等法院上訴庭早前駁回青年新政梁頌恆同游蕙禎嘅宣誓司法覆核上訴，梁游冇咗議員資格，仲要負擔600萬訟費，認真陰功豬！但游BB又點會咁易被擊倒？還要去過生活，游BB繼續去濕平。
讀者王先生噚日傍晚見到游BB單拖現身海港城，着住白色露臂連身裙嘅佢喺Jack Wills行咗一陣，但空手出番嚟，跟住去咗Watson's Wine Cellar，之前被發現立法會辦事處內有唔少酒樽嘅游BB，呢次終於揀到心頭好，買咗支酒後走人。
王先生話現場唔少人都認得游BB，紛紛向佢行注目禮，而佢行得好急促，唔知係咪趕住開party？