【本報訊】香港首支由視障、聽障人士組成的「猛龍長跑隊」，獲日本沖繩旅遊局邀請，明年1月派出40名隊員遠征石垣島馬拉松。隊伍期望透過眾籌12萬港元，支援本港盲聾人士參與，推動傷健共融信念。
目標籌12萬
常言道：「唔係猛龍唔過江」，長跑隊名稱暗藏「盲、聾」諧音。今次遠征，18歲的James與19歲的蔡樂詩都是長跑隊成員。樂詩自幼患視網膜退化，現時近乎完全失明，不過她不認為自己與常人有很大差別，「眼睇唔到之嘛，有腳就跑到」。就讀中四的樂詩正準備DSE，讀書累就想跑步，沒領跑員陪伴時她會在跑步機飛馳。長跑年資已4、5年，10公里最佳時間約一小時，今次參賽希望再創佳績。
James患先天性白內障，左眼同時患青光眼，近視度數較深，戴眼鏡能應付生活，但跑馬拉松有領跑員會較安全，「多人時會睇唔到左右，例如有人喺右邊衝埋嚟我睇唔到」。James幾年前接觸長跑，花數星期克服耐力屏障後萌生興趣，跑齡2、3年已參加過渣馬10公里賽，最佳時間56分54秒。
隊員凌慧聰（Ling）是James的義務領跑員，上星期兩人才首次見面，用螢光手帶牽引試跑。Ling說領跑除用手帶還要開聲提示路面狀況，如路面不平和石壆都是街馬常見陷阱，加上步速不同互相適應需時。Ling說今次眾籌12萬是贊助隊員機票、住宿和報名費，惟至今只籌得約兩成善款，下月10日截止，期望大眾支持。
有興趣捐款可登入： https://www.fringebacker.com/zh-tw/projects/blind-and-deaf-runners-challenging-full-marathon-in-ishigaki-island-japan/
■記者馬志剛