正當全球都為上個禮拜遇上空難嘅查比高恩斯傷心時，另一巴甲球隊國際體育會嘅副主席卡華奴竟然趁機抽水：「我哋呢隊波都面臨悲劇，就係有機會降班。」國際體育會喺巴甲踢完37場得42分，暫時排喺第17處於降班區，落後第16嘅利斯菲體育會兩分。一班國體會球迷聽到副主席呢番言論後忍唔住發火，燒波衫去表達不滿（圖），卡華奴今次真係抽水抽着火水喇。