水晶宮踏入2016年都未好過，近期仲喺英超連輸六場，盛傳如果今晚迎戰修咸頓再輸，領隊柏度（右）就要收大信封。據講水晶宮極大機會會搵艾拿迪斯（左）嚟教，大儍之前帶咗英格蘭國家隊一場波，就因被偷拍到佢借職位撈油水而冇咗份工，不過水晶宮方面都懶理，最緊要佢係出晒名嘅護級專家就得啦。