選委會選舉唔夠10日就殺到,表明會踢走689、參選資訊科技界選委嘅IT Vision團隊,最近獲得公民黨議員楊岳橋、陳淑莊同埋業界議員莫乃光力撐,幫手拍短片宣傳。莫乃光話,梁振英管治呢幾年,帶頭催毀香港核心價值、撕裂社會,專業人士見到制度敗壞,有責任出一分力,帶香港重回正軌。
陳淑莊就話,如果畀梁振英連任多5年,香港將進入永無翻身之境。岳少就話,香港要守護民主自由、維護公義,最重要係重啟政改,咁就要靠踢走689嘅選委。
對於唔知12月11日應該去邊投票嘅選民,IT Vision話可以直接致電選舉事務處2891 1001問職員,如果到𠵱家仲未收到投票通知卡,就可以用選民資料網上查閱系統 http://www.voterinfo.gov.hk ,查吓自己應該去邊度投票。