巴勒莫今季勁唔掂，家陣喺意甲包尾，去到意盃一樣咁衰，周三主場同乙組仔史柏斯亞踢第四圈，法定時間踢成0:0，加時仲係入唔到波，最後喺互射12碼輸4:5出局。賽後佢哋管理層即做嘢，炒咗教練迪施比（圖），改以哥連尼領軍。其實今次係「儍豹」今季第二次炒教練，巴拿甸尼喺九月就被辭退，由迪施比頂佢個位，估唔到迪施比做咗兩個幾月就烏紗不保。