東方今次喺ABL嘅主場賽事，除咗喺比賽度配有勁歌，同埋有英文現場評述之外，中場休息仲請咗dancers喺現場表演（上圖），勁歌加勁舞，令香港球迷感受不一樣嘅籃球賽。
花絮︰《玩家》Tim少都撐場
噚日場比賽吸引唔少藝人到場，連腹大便便嘅謝安琪都同老公張繼聰嚟撐東方龍獅，坐隔籬嘅方力申話，最開心係睇咗本地籃球咁多年，第一次有ABL睇，同國外球隊交流可以令本地球員進步更快，觀眾亦睇得開心。
花絮︰東方送禮任你揀
東方龍獅噚日喺修頓入口設入會登記，除咗係免費之外，只要填寫表格同like東方網頁就有兩份禮物揀，一係藍色毛巾，一係索繩袋（圖），入場嗰陣仲有海報派。八點開場嗰陣已經有約160人入會。
