喺里奧贏得男子200米自由泳金牌嘅中國泳手孫楊，周四就正式踏入25歲，國內有好多女粉絲同佢慶祝生日，甚至有粉絲訂咗一大堆玫瑰花砌咗個「SUN」字畀佢，但唔知孫楊收到「The King」係咪會開心啲呢？孫楊就話大咗一歲之後，對自己嘅要求會更加嚴格，希望可以繼續攞獎，仲話：「升國旗、奏國歌係我不變嘅追求。」佢亦好識做咁喺微博多謝粉絲嘅支持。