下個禮拜一就係深港通開車嘅日子，巧緊張啊！講吓笑啫，都講咗兩年，幾興奮都會攰喇。滬港通開車時，全港所有關事與唔關事嘅財金官員、政商貴人都到場，不過華華就聽到，財爺曾俊華下星期一唔會出席開通儀式啊！
唔使咁興奮住，事關同財爺選唔選特首無關，聽聞係因為財爺當日早上要去立法會財經事務委員會，簡報香港整體經濟最新狀況。
都啱嘅，既然成功開通，就肯定有老闆會出嚟剪綵、領功，到時同場又面左左，明明心裏唔agree都要always agree with your boss，咁倒不如去做吓正經事，可能有意外收穫。