臨近聖誕，又係大家使錢嘅時間，無論你想定唔想，荷包少不免出吓血。投資者教育中心十分貼心，旗下「錢家有道」飛甩老土，搵嚟C AllStar夾band，提提你唔好亂碌卡使錢呀。
「錢家有道」今年4月面世，投資者教育中心希望透過呢一家人，示範點樣好好理財。首主題曲都聽咗半年有多，噚日有條新片，同C AllStar crossover，應該係想借年輕人偶像，提醒後生仔重視理財觀念，唔好一時高興之下使大咗。
其實投資者教育中心之前已經搵蝦頭同羅蘭姐，扮黑貓、白貓，想教大家借貸都有分「好貸」、「壞貸」，例如借錢進修增值，就算係好貸，但卡數冚卡數就係壞貸囉。
除咗C AllStar之外，好快「錢家」會同另一隊樂隊Nowhere Boys合作，fans要留意啦。