【本報訊】食環署人員天水圍拉小販引發衝突！昨傍晚6時許，一名婆婆在天澤邨商場對開擺檔，售賣睡衣褲等衣物，其間食環署人員到場掃蕩，欲充公婆婆的手推車小販檔，引來不少現場街坊幫忙求情，但食環署未肯接納，堅持拉人，最終演變成街頭大罵戰。
據目擊者Nelson表示，當時他放工途經上址，見有數十名街坊圍堵現場，遂上前了解，見賣衫婆婆瞓在地上，以身軀阻擋食環署人員將其手推車推走，更一度叫喊。「食環人員都幾粗暴㗎，又拉又扯，聽街坊講個婆婆又高血壓，又糖尿病，應該可以酌情處理！」
Nelson形容，眼見不少街坊要求食環「畀次機會」，亦有人大叫「人哋都係搵啖食啫」，但仍然無果，更召來大批警員到場協助拉人。從Nelson提供的片段可見，現場街坊亦有不少人大叫：「寬頻檔你哋又唔拉，佢哋夠阻街啦！」Nelson表示，平日放工時間天澤邨商場門外確實有5至6個小販檔，有些賣水果蔬菜，亦有人售賣乾貨等，但寬頻檔亦有2至3檔，亦有人放置凳仔，相當阻街，卻從來無被食環人員拘捕，「公平咩！現場都有好多寬頻檔阻街，點解佢哋又唔拉？」
食環署回應稱，早前接獲投訴指天水圍天澤邨外有無牌小販擺賣，小販事務隊當日下午5時許到上址採取執法行動。到達現場時，小販已經離開，人員遂撿走相信是小販留下的貨物，其間一名女子上前聲稱鐵車上的貨物屬其所有，且情緒激動及不合作，人員其後要求警方到場協助，並將其帶返警署。食環署會繼續跟進調查事件。