跑步對健全人士而言非難事，但對於截肢人士，可說是人生中的挑戰。3名截肢人士將以「刀片義肢」增加腿部彈動能力，參加明年渣打馬拉松賽事，打破身體缺陷限制。27歲的梁文禮是運動愛好者，一次車禍變為獨腳俠，參賽只想再次體驗道路上奔馳的感覺，「面對冇得改變嘅事實，我只想做番自己想做嘅事」。
不停嘗試 拒作最壞打算
熱愛運動的梁8年前失去左腿，但未有失信心，「馬死落地行，都發生咗，已經冇機會返轉頭，點都要接受」。他首次參加渣馬10公里賽事，「我由好鍾意運動，到行動力減弱，現時裝咗刀片義肢，好想再有奔馳嘅感覺」。他指刀片義肢不利其他運動項目，惟有利於跑步，以往鮮有練跑的他，亦因而每星期跑5公里迎接賽事。
今年30歲的慎思捷，14年前意外喪失右腿，意志消沉，卻因而開始行山、跑步、打羽毛球，甚至參加毅行，只望回復正常人的生活，「走出困境，唔好成日有最壞嘅打算，做好自己就夠」。他曾跑10公里賽事，來年首次參加半馬，「志在嘗試，睇吓可唔可以打破自己紀錄」。
香港截肢者協會主席翟文鳳患有先天性血管腫瘤，一出生便失去右腿活動能力，直至2008年截肢，明年將第二次參加10公里賽事，「上年第一次參加，感覺好新鮮，由細到大都未試過雙腳行路，冇試過跑步嘅感覺。明年嘅賽事，完成到已經係最好嘅成績」，她認為不能因身體缺陷而有壓力，截肢者亦有能力跑步參賽。
義肢矯形師杜旭榮負責為3位跑手設計義肢，他指刀片義肢較輕身、彈性強且吸震力高，較傳統義肢適合跑步，當初設計刀片義肢亦是為了「百貨應百客」，「香港人認為冇咗隻腳，行動不便就唔應該做運動，其實如果一個人截肢前係玩邊樣運動，截肢後亦應該繼續該項運動」。
■記者梁佩珊