【本報訊】無綫現逢周一至周五晚上8時30分播映的台慶劇集《幕後玩家》，前晚播出第27集，劇情講述陸永扮演的顧成曦，因跟模特兒性交後疑感染愛滋，大受打擊，在天台跳樓尋死，並說：「我瀨嘢喇，我有愛滋呀……我抵死呀！」有關情節引起志願團體「關懷愛滋」不滿，呼籲傳媒發放正確訊息，以免公眾誤解愛滋病。記者：何永寧 余燕儀
前晚《幕後玩家》27集其中一幕，角色顧成曦企圖跳樓時說：「我從未試過咁憎我自己，我邊有面目面對阿Da，我真係想企番起身，但係我做唔到，我真係好攰，我真係好攰！」雖然劇中的蕭正楠和黃翠如力勸，但陸永說：「我哋平平安安？開開心心？我冇呢個機會㗎喇，你哋照顧自己！」隨後即跳樓身亡。
由於陸永在劇中未有證實感染愛滋（AIDS），卻已做出自殺的行為，引起議論紛紛，認為劇情發放錯誤訊息。「關懷愛滋」昨日就以上劇情作出回應：「大眾若懷疑感染愛滋病病毒，在未檢驗前，應保持冷靜，不要驚慌，即使測試證實感染愛滋病病毒，只要及早接受治療，生活與一般人無異。感染愛滋病病毒可以沒有病徵，所以不可憑外貌判斷及誤信別人，本機構重申及早測試才是唯一確診方法。本機構亦希望傳媒應該發放正確愛滋病資訊，避免引起大眾誤會及加深對此病誤解。」
關懷愛滋旗下的社交群組「有種部隊Guts Army」，亦於昨日在facebook張貼這集的劇情截圖，並留言稱：「感染咗愛滋病病毒，接受治療，一樣可以好健康，行得走得。並唔係拖累人、唔係無處可去，可以搵我哋，我哋會陪你一齊行。」
陸永：劇集完全冇教育邊有錯
陸永回應稱：「我又唔覺劇集發放咗愛滋嘅錯誤訊息，只不過係劇集入面一個角色，對佢自己嘅病嘅誤解，再講呢個角色直頭連驗都冇驗過，人哋話佢有愛滋就信，劇集完全冇教育大家愛滋病嘅訊息，何來發放錯誤訊息呢？」無綫電視至截稿前未回覆。
政府最新統計顯示，今年上半年新確診的愛滋病病毒感染個案有335宗，即平均每日有約兩宗。
