連鎖餐廳「越棧」母公司膳源控股（1632）噚日掛牌，新貴上市公司老闆千金清秀登場！
現場所見的孖妹，就係膳源大老闆兼控股股東黃志堅嘅兩位千金，多角度睇都好有明星相，聽聞大妹讀緊大學、細妹就今年準備考大學。唔知係咪讀商業管理，畢業後幫爸爸手呢？兩姊妹好明顯出得廳堂，又唔知係咪同樣入得廚房呢？
膳源掛牌相當有氣勢，事關公開發售就獲得115倍超額認購，包括137張「頭錘飛」，首日交易股價一度高見3.64元，較招股價2元高出82%，收報3.51元，升75.5%，每手2,000股賬面賺3,020元，全日成交2.43億元。主板新股嚟講，都算升得好誇張，以收市價計算，市值為7.02億元，持有75%股權的大股東，賬面身家5.26億元。