中港矛盾，文化差異，喺「深港通」之下進一步淡化！點解咁講，話說上星期深交所公佈深股通股票暫定名單，作為一個炒友，係咁而都要碌下張List。但睇到中間，你會發現有一間公司，喺中港融合之下被改名！股票編號1310，即係「香港寬頻」，喺深交所「深港通」名單下，你會見到佢個名，竟然係…竟然係…「香港寬帶」！
記者問過香港寬頻發言人，佢就話公司註冊名一直都係「香港寬頻」，「冇諗過改名」，至於點解會比人改左做「香港寬帶」，佢就話法律同事仍然了解緊，暫時都未知點解會咁。
媽呀！如果係咁，咁點解「數碼通」（315）唔使改做「數字通」？就算內地人唔知咩係「寬頻」，夾硬轉個名叫「香港寬帶」…對內地投資者來講，上網Search「香港寬帶」就得個吉，投資前點做功課？神奇！頂級！超卓。