周三(30日)快活谷第七場三班1800米，沈集成馬房雙龍出海，「發明小子」、「海利多」都有分量，其中「發明小子」跨季連續五仗取三冠一亞一季，再配手風大順的羅理雅，估計必受到重視。
不過，「海利多」亦有值得睇好之處，今朝此駒由沈集成親自踱步作最後備戰，其他戰馬卻未見他沾手。大家都知道，呢類賽前一日沈集成「偏心馬」，向來成績好好，沈集成對「海利多」的重視程度，絕不下於「發明小子」。
「海利多」上仗田草2000米後追得第五，戰鬥力正在提升中，今次配郭能有1檔好位，機會難得，難怪沈集成咁緊張，今朝係要試番課才安樂。
「海利多」馬主黃志祥家族剛有容天鵬馬房的「高利多」勝出，手風正順，沈集成梗唔希望被容天鵬比下去，一定心急為「海利多」打開在港勝門。