近年本港吹起旅遊風，財經版所有新聞，即使有多歷史意義也好，點擊率分分鐘不及一條日圓滙率。雖有點令人氣餒，但有時只能接受。當然港人愛旅遊並不是新事物，更不是壞事，筆者不是Package Lau，唔會叫大家去少兩次日本。
反而是航空公司卻值得一談，過往筆者可謂是國泰（293）忠實fans，到英國更是非國泰不可，即使身邊不少朋友「提醒」廉航有多便宜、其他航空公司服務有多好。不過，這個思想已開始改變。
今日的國泰，先不說其機位越來越細，服務越來越一般，而價錢卻越來越非一般；但經過上次由英國返港後，更令我覺得去英國必選國泰的理由已不存在了。
還記得去年由英國返港時，地勤人員拿着我的護照時，用廣東話問「今日去邊呢？」，就連外藉地勤人員亦用廣東話問「係咪一件行李？」，真係有驚喜。但今年從英國返港時，機場的國泰地勤已經全用英文，確實有啲失望，雖然唔係有語言障礙，但對於我嚟講，搭其他航空公司又有乜分別？
過往油價一直是影響國泰股價表現的主要因素，但在競爭越來越大之下，今日睇國泰仍然應該看油價嗎？
散子
代《國策透視》一周