禮拜三（30日）谷草賽事中，馬會就用A欄，睇番最近10月5日同一移欄賽事，個日嘅後追馬表現唔算差，好似「驍武」、「皇者拍檔」、「勝利仔」、「騰煌」及「有心人」都係沿途處於中後位置，入直路後從外叠衝贏對手勝出，故此唔應該過份選擇側重內叠前置馬。
今戰列陣馬中，第七場三班1800米嘅「勝利仔」最近五仗都喺谷草A欄上陣，並拎到三冠兩亞未失過頭兩名。今次其練者賀賢又刻意等番A欄報名跑，再換雷神莫雷拉嚟騎，明顯決心季內求補中。
此外，第二場五班1650米「公証揚聖」曾經三勝谷草A欄，亦係第二場全場唯一贏過此移欄之參戰馬，憑較佳場地性能值得優先留意呢匹呂健威馬。