梁振英喺現屆政府得番7月個任期嘅時候，先至搵自由黨張宇人同建制派班長廖長江入行會，講到同連任無關；八方又即管同大家時光倒流，去番5年前嘅今日。當日CY接受專訪話，若當選就改革行會，畀非官守議員參與多啲，佢講：「有啲條例草案，大政策要行政長官會同行政會議通過，非官守成員嘅潛力仲可以發揮，佢哋參與（政策制訂）深度應該更深，時間應更長，階段應更早。」
法官曾指梁證供不可信
既然係咁，點解當年上任之初冇搵自由黨入行會？就算唔妥ABC悍將田北俊，一樣可以搵張宇人箒；任期倒數時先搵，仲唔係有景轟？當年今日CY亦接受一份報章專訪「消毒」，皆因《東周刊》當時搵番一單2001年聆訊、同曾任規劃環境地政司嘅梁寶榮有關官司，指法官最後認為梁振英嘅證供不可信。