年尾又係拍賣行進行秋拍嘅時間，越來越多人留意當代藝術嘅拍品，佳士得上周六有一場「亞洲20世紀及當代藝術拍賣」，一幅由日本著名畫家奈良美智於2000年所畫嘅作品《Eastern Youth》以1,686萬元成交，高過估價上限12%，成為呢場拍賣最高價拍品。
但呢幅並非奈良美智最高價成交嘅拍賣作品，舊年11月，佳士得於美國紐約拍賣奈良美智嘅《The Little Star Dweller》，就以2,662萬元成交，成為紀錄。
58歲嘅奈良美智乃日本造型藝術其中一位高手，佢畫嘅小孩子與動物極有個人風格，流露一種微妙嘅寂寞感。