林卓廷由民主黨總幹事「成功轉型」變身立法會議員，嚟緊12月5日年僅30嘅「乳鴿」蔡雨龍（圖）會接任總幹事，而黨畀佢嘅首個任務係搞好黨校。其實民主黨一直有黨校，但規模維持廿人左右，所以蔡都想「發大嚟搞」，一年收生30至40人，希望培養更多人下屆以民主黨名義出戰區議會。
蔡雨龍2005年入黨，當時仲喺美國讀書，因為佢最欣賞嘅政治人物係李柱銘，所以揀咗民主黨。入黨後選過區議會，做到黨中委，原本正職係喺某大銀行工作；之前有報道話佢做總幹事要放棄高薪厚職，佢話呢份工查實同佢之前嘅銀行工嘅底薪差唔多，之不過之前仲有數以月計嘅花紅箒！被問到會唔會走前總幹事嘅從政路，之後戰立法會？佢直言冇此打算，但從政人都係never say never嘅。