【本報訊】火炭禾寮坑村過去亦曾發生過多次懷疑殺狗案，在該村居住10多年的鄭先生指過去10年，他飼養過至少8至10隻狗，但每隻狗均沒好下場，「養一隻，死一隻」。
鄭先生指，因晚間不時有道友前來偷竊，故曾經養狗防盜，他試過飼養4隻剛出世的狗仔，「養至5、6個月大時，一天起床出門口，竟發現4隻狗仔死喺門前，嘔白泡、反白眼，懷疑遭人毒死。」今年4、5月，一隻經常出入其家的狗女亦懷疑慘遭毒殺，他事後報警，但沒有下文，他將愛狗屍骨埋在屋外作紀念，但毒狗事件不停發生，令他感到心灰，前年開始已沒再養狗改養雀。
「兇徒一定好憎啲狗」
他指附近的拔子窩村村民曾投訴狗隻吠聲太嘈，但今次事件「兇徒一定好憎啲狗」。村民張先生亦對小禾遭遇感愕然，他指小禾十分怕人，約一年前小禾也曾懷孕，生下多隻狗仔，他領養其中一隻狗仔，但疑小禾太懷念親生骨肉，每天走來探望，最終張生養了狗仔10日便被小禾帶走，他希望警方盡快捉拿兇徒歸案。
■記者簡明恩