【本報訊】謝瑞麟（417）香港業務仍面對逆境，現時生意的增長引擎主要來自內地。伍綺琴形容內地地大物博，競爭比香港更大，「你今日睇個（商）場好得，但幾年後未必係咁，其他新場加上網購，百貨公司無人行」。因此謝瑞麟會花時間研究商場周邊配套，不論是自營或加盟店，都由地區經理負責監督。
去年開始，謝瑞麟內地店便以加盟方式加快擴張，伍綺琴指雖然遲起步，但可在行家身上汲取經驗，「老實講，開舖唔難，可以到賺錢、keep住佢（加盟商）同你補貨先考功夫」。
她指會按加盟商表現「拔尖補底」，現時加盟和自營店各有110間及202間，希望五年後比例是七比三。
伍綺琴續指即使短期香港經營環境未必理想，亦絕不會將基業「連根拔起」，「要保持係香港嘢，如果唔係我買老鳳祥咪得，洗乜買謝瑞麟？」
說到近年老鳳祥、周六福接連進軍香港，伍綺琴回想當年碧桂園（2007）楊國強決定擴充海外業務，她當年也曾質疑。
但原來內地品牌衝出海外，非志在香港，皆因土炮變國際品牌，內地同胞來到會發現「香港都有周X福喎！」，會感覺良好。公司並能藉此在稅務以及銀行貸款上有優惠，並非只是「塘水滾塘魚」。