上周六上演亞冠盃決賽次回合，全北汽車（圖）作客1:1賽和艾阿恩，繼06年後第二次贏得亞冠盃錦標。全北首回合反勝艾阿恩2:1，到次回合先由開賽冇耐就入替嘅韓教元先開紀錄，主隊都係由南韓人入波，外援李明柱扳平但無以為繼。全北以總比數3:2封王，亦獲得埋下月世冠盃參賽資格，首場先對墨西哥嘅CF阿美利加，贏到嘅話就可以同豪門皇家馬德里交手。