自7、8年前天天執石砌石的退休小學校長盧壽柱，自言萬分無奈。「我94年已搬入馬鞍山，以前呢度話填海，啲街坊一齊反對，都係因為珍惜呢度咁靚嘅景色，你唔鍾意就話我破壞？」穿上水靴手套，身型瘦削的盧伯，趁潮退修補被破壞了的石字，邊說邊指手劃腳。烏溪沙位處香港東面，面向吐露港內灣，與大埔搖搖相對。追?到十幾年前，馬鞍山尚未如今天大型屋苑林立，碼頭對出的沙灘仍未是沙灘，只是面海的狹窄石灘，遊人稀少。
老街坊林先生回憶：「以前呢度（沙灘）好荒蕪，滿地蠔殼，好多樹枝雜草，冇人遊水，後來有個阿伯喺度清理，修剪晒啲樹枝，執走啲大石，仲搬啲沙喺度舖，出發點一定係好，只係後來多咗人加入，愈砌愈多嘢，有啲人覺得太濫」。林先生口中的阿伯，正是第一代執石人郭九。「最初係郭九清理石灘先，後來吳伯喺度?啲石砌咗個心，我退咗休，成日喺沙灘散步，見到佢砌，就幫吓手，結果又自己砌字」。盧說。
這個退休3人組，郭九是退役船員，吳伯是退休花王，由清理沙灘到砌心砌字、由互不相識到合作到分道揚鑣，歷時愈10年。「吳伯其實係我師父，我最初跟佢砌，後來我喺個心旁邊砌咗『主是』兩個字，看上去便成了主是愛，我事前未徵詢佢意見，佢見到好唔鐘意，結果走咗去另一邊砌心，大家再冇傾計」。大抵，合久必分，有人的地方就有不同意見，自此，3人組各有各砌，不相往還。「都無所謂，大家都係希望為啲街坊做啲嘢，只係做嘢嘅方法唔同啫」。
那想到「內憂」還遇上「外患」，網上有人在社交網站發起拆石行動，還原石灘，甚至半夜快閃拆石，位處一角的小小沙灘，又再成為傳媒焦點。為免正面衝突，3人組都先後停了工。「你拆我修，只會沒完沒了，依家唯有日日嚟憑弔同懷念吓，暫時唔再砌囉，鋒頭火勢。最安慰係有人話嚟拆，班街坊泳客30幾人，走嚟幫我打氣，唔好話邊個啱邊個錯，你做嘅嘢原嚟有人欣賞，已經好開心」。仍愛日日望海的盧伯說。
攝影：許頌明
撰文：呂麗嬋
