其實玩科技產品，未必一定要追最新款！有時退後一步，玩返一些Low Tech產物，的確又有另一番風味。
話說近兩日行腦場，見到呢部mini i-UFO，起初見佢用手機App操控，諗住三幾百實走唔甩，點之一問下，竟然開價是$99！操作同大家一般見到的航拍遙控機有點不同，佢要在手機之上，加裝一個紅外線發射裝置，先可以操控得到。
無錯！就係好舊式的紅外線發射裝置，所以呢部mini i-UFO一定要在目視範圍之內，佢先會聽你話，不過買嚟做小朋友的小禮物，我覺得是價錢與遊玩感是超高的；而且最正係機身做成一個圓球體，我試過不下十數次跌落地，槳翼完全無損，而且撞牆撞障礙物，亦唔會輕易做成破壞，係一個小朋友玩遙控機的入門好機。
查詢：展昇（深水埗黃金商場地面42至44號舖）
記者、攝影：朱崇德