文家良馬房的「天賦致寶」當年以自購馬身份抵港，插入三班開始上陣，一直落第輸了約兩年，直至前仗始在五班反彈，成功於谷草1650米開齋，擊敗「幸運波」以6.2倍建功。不過，「天賦致寶」上仗升上四班再戰谷草一哩，卻只得第五，威脅不大。
今次「天賦致寶」移師沙田，競逐第六場四班1600米，其靚女馬主余妍慧又有何睇法呢？余妍慧說：「『天賦致寶』上場跑完返去，胃口、健康各方面都OK，今仗跑沙田1600米都是牠可以應付的路程，今場抽得二檔，希望騎師(蔡明紹)發揮得到，可以給予驚喜我們。」
余妍慧又補充，「天賦致寶」前仗贏馬後，與一班好朋友一起在廂房開香檳慶祝，非常難忘，她希望「天賦致寶」上仗落敗消化加分後，今次進度重踏升軌，可以再開香檳玩餐飽。