特首梁振英噚日下晝四點透過新聞公佈行會新任命嘅同時，喺特首辦會見一眾人大政協，聽取佢哋對任內最後一份施政報告有何高見。身兼港區人大的民記副主席陳勇會後就話，會上只有梁振英在場，唔見有其他司長，梁振英無談及連任特首問題。
陳勇又話，會上要求梁振英為香港人喺內地爭取更多「國民待遇」，令香港人未來喺內地置業、就業更方便，甚至可以報考國家公務員。陳勇另一高見，就係香港應該興建「抗戰歷史博物館」，不點名鬧青政梁頌恆同游蕙禎，話近期有兩名「朋友」，似乎對香港歷史唔太了解，覺得起間博物館，有助佢哋了解香港的抗戰歷史喎。