【本報訊】在鹿苑街和壠民徑露天停車場旁擺檔的線面師阿鳳對發牌感高興，發牌後須移至壠民徑天橋躉下，她認為新位置較佳，期望可以於農曆新年之前發牌。現年40歲的她入行逾20年，「以前喺鄉下幫人化妝整頭，後來覺得化妝前要線面，就一路做落去」。
阿鳳7年前由中山來港，定居不久後技癢擺檔，「以前有個婆婆都係做線面，問我做唔做，咪當玩吓囉」。當年小販管理隊嚴打無牌小販，每次擺檔阿鳳都心驚膽顫，因「走鬼」頻繁，故只擺3個月便收山，當全職主婦。
半年前阿鳳復出，於露天停車場旁擺檔，「一嚟幫補吓，二嚟可以幫人扮靚，又想線面傳承落去」，平均每次擺檔有5、6人光顧。擺檔時，阿鳳會放數張小膠凳，一盒放滿線卷和雞蛋粉的工具箱。檔口環境昏暗又位處窄街，她要在路壆開檔，非常靠近泊車位，更曾出交通意外。
盼過年旺季前取牌
阿鳳稱早前有食環署職員為她登記申請小販牌，「佢哋會打嚟提我開檔，話唔做就冇牌攞」。她對通過發牌感高興，認為領牌可給客人信心，「唔使驚線一半面就要走鬼」，但擔心政府一時一樣，會突然取消。
據食環署建議，牌照指定營業位置搬至天橋躉下，「𠵱家唔可以擺去嗰度，食環唔畀，嗰個位唔怕阻街同危險，開揚啲，又有瓦遮頭」。她指農曆新年前有較多人來線面，希望過年前取得牌照。
■記者李詠希