「海之戀」令你想起什麼？白之戀人餅乾？花之戀壽司？其實是長實地產（1113）即將推出的荃灣西站新盤「海之戀」，不少網民看到樓盤名都被嚇窒，繼而發笑；不過一山還有一高，有FB專頁就特意找來中國別出心裁的樓盤名作比較，例有「如果·愛」、「DADA的草地」等等。
FB專頁「向西村上春樹」周二發文指，長實將新盤正式命名為「海之戀」，難以相信世間上「會有人同的士佬講自己去『海之戀』而唔面紅」；周五專頁再以「嚴選內地更難為情的樓盤名字」發文指，雖然本地樓盤名追求極上氣派的風氣已持續近廿年，但內地的步伐其實早就比我們走得更前，從樓盤照片顯示，大陸盤名分別有「如果。愛」、「親愛的TOWN」、「西門先生」和「DADA的草地」等。
一眾網民紛紛留言指「笑到hihi」、「等廁所睇呢個post差d笑尿」，又建議不如改做更煽情的「戀戀風塵」、「傾城之戀」、「你的名字」。
【網民點講】
Bruce Chong：唔好叫「你的家」就好了，的士佬車咗你返佢屋企。
Rot Ten：叫「忘了·愛」會唔會更有說服力？
Zoe Ngan：笑到我hihi聲呀 XDDDDDDDDDDDDDDDDD
Ken Lee：DADA的草地。。。我認我咸濕
Edvard Tam：就當是文化差異吧，真心覺得這些名極之作嘔
Jeremy Chan：Chi-na樓盤
姚國聰：搵你。住。
Ray Stevie G：瓊瑤都唔會肯坐的士去