陳豪和小妹妹譚芷昀（Celine）昨日在又一城出席聖誕活動，大前日陳豪被影到深夜陪老婆陳茵媺秘密入院，被追問老婆是否又有喜？陳豪說：「唔係，有咗點會去急症！因為太太鼻敏感犀利，眼都紅晒，我有叫佢睇眼科，佢話第二日朝早先，但我又緊張，要make sure佢冇問題，所以要帶佢睇急症，佢𠵱家都OK。」已經有兩子一女的陳豪，被問會否再追仔？他笑說：「3個仲唔夠？𠵱家忙到不得了，𠵱家乜都有。」
最近陳豪忙拍《使徒行者2》，聖誕節他會留港陪屋企人過：「會帶小朋友周圍去玩，去唔同party，其實佢哋已經收到好多禮物，會教佢哋未玩完唔好開其他，佢哋見到就開心。」問到是否需要換大屋？他笑說：「唔使，都夠，已經行餐飽。」
採訪：張俊銘
攝影：陳俊強