一直關注民航處新空管系統問題嘅公民黨立法會議員、飛機師譚文豪（Jeremy），噚日喺立法會再次揭發新空管系統問題時，就變身攝影師自己直播自己影，攞埋腳架到立法會1樓記者扑咪位，唔少傳媒行家睇到都大為好奇。
Jeremy解釋，由於行管會早前決定唔畀議員助理進入立法會1樓，助理幫唔到做直播之下，惟有自己set機做。
唔少網民睇直播時，都大讚佢解釋空管問題解釋得好清楚，話好在有佢幫手睇實新空管系統。不過亦有網民投訴佢個鏡頭打橫咗，令大家睇到頭已側。Jeremy知道網民側晒頭睇直播後話唔好意思，保證下次一定擺番啱個位。