嘉里（683）旗下何文田新盤皓畋認真係星光熠熠，呢個樓花盤閒閒哋過千萬入場，先後吸引藝人佘詩曼、鄭嘉穎掃番一兩個單位，最近傳出，嫁得好嘅大台前女主播蔡雪瑩，剛以1,315萬元買入一個609呎單位，呎價逾2萬元。30歲嘅蔡雪瑩今年初下嫁木薯資源（841）太子爺朱威霖（William），8月生埋仔，佢老公娶佢當日講到明，婚後「卡任碌、袋任買」，買樓應該都係濕濕碎喇。佢哋有眼光喎，皓畋好多藝人鍾意，佘詩曼先前以1,406萬元，買入高層一個單位。之後鄭嘉穎一擲2,349萬元，買入高層兩伙㖭。
