金融業仍然係香港四大支柱產業之一，特首梁振英喺上場後就成立咗金融發展局，聲言要發展香港金融業，但過咗近4年，究竟金融業發展咗啲乜？八方望唔透。
話要領導香港迎戰衰退
喺2011年嘅今日，即將宣佈參選特首嘅689話，金融政策唔係靠一、兩個人制訂，而係要成個團隊配合。呢番話係為咗要回應當時獲得王冬勝同任志剛兩位金融猛人支持嘅唐英年，當日佢仲話全球經濟面臨衰退，香港更需要一個「有領導力、有魄力、勇於承擔同有國際經驗嘅領導人」。689講嘢永遠都講得好好聽，不過做就算吧啦。
佢同時喺5年前今日辭去DTZ董事及亞太區主席職務，前者即時生效，後者就2012年1月底或之前生效。八方再解釋吓，梁振英收UGL 5,000萬蚊嘅協議，就喺2011年12月2日簽署，換言之簽協議之時，雖然已經唔係DTZ董事，但佢仲係DTZ亞太區主席。