香港菁英會下周三第三度舉行「菁英論壇」，今年主題關於推動社會創新以及必不可少嘅一帶一路，邀請咗唔少重量級嘉賓，包括據知唔選特首但依舊頻頻曝光嘅梁錦松、金像獎最佳導演陳德森同高登討論區CEO林祖舜等。
話外遊先用
菁英會關注社會創新、科技發展，咁啱傳真社最近報道3款來電攔截手機應用程式，CM Security、Truecaller同Sync.ME，涉收集用戶通訊錄並整合成公開資料庫，畀用戶輸入電話號碼就查核號碼持有者身份，中招者包括菁英會榮譽主席梁宏正Clarence嘅爸爸、立法會主席梁君彥。
Clarence自言冇裝上述手機應用程式，而據佢所知，爹哋中招嘅電話號碼唔係平時用開、只係外遊時先會用到，相信入面唔會有太多資料喎。