如果不是看蘋果動新聞，也不知原來CCTVB邁向50週年台慶，更不知司儀賀壽抑或贈興，以「粉身碎骨」來討歡。
那段花邊是其中一位司儀陳凱琳（又是她？）講錯嘢。在康華、馬蹄露、樊亦敏（真的冇乜人了）三位表演完畢，一班司儀循例說些好話慰勞，陳凱琳道：「頭先高踭鞋又高、個台又高，所以話TVB每一個藝人都粉身碎骨，令大家開心。」有稿嗎？臨場發揮？相信應是「奮不顧身」，但一不小心就變成「粉身碎骨」了。雖然沒什麼人留意「萬千熄機賀台慶」，知者不多，不過生日大日子，也講求意頭、吉利，司儀要專業，中文不好便惡補，知錯能改，而非「……不過呢啲鬼妹係差不多，其實都幾可愛吖，粉身碎骨。」──其實又有幾「可愛」呢？崩口人忌崩口碗，還惹來同事及各界嘲笑。
同日還有位「七線當三線」的羅姓藝員，在facebook宣佈離巢，揀個正日送大禮，但大家仍叫不出他的名字來，走了也不覺。
CCTVB內鬥，且已沒什麼小生花旦好演員，都靠外援。像開口及着脷的陳凱琳和好些港姐，演戲、司儀、主持節目……都受批評，就是揠苗助長水鬼升城隍的後果。
粉身碎骨？只怕一語成讖。