坊間就特首選舉鬧得熱烘烘之際，白鴿黨內領導層選舉，亦轉趨白熱化。白鴿黨現任副主席尹兆堅率先表示，來屆不會角逐連任，希望專注立法會議員工作。阿尹坦言，做副主席其實唔易，因為好多時不同支部兄弟間的糾紛，都要副主席親自化解。
胡志偉成主席大熱
據了解，白鴿黨主席大熱人選，係早前相對低調嘅立法會議員胡志偉，次熱門係現任副主席羅健熙。羅健熙同八方話，目前仍同胡志偉就參選主席一事商討，暫時冇乜嘢可以公佈。早前未有表明參選主席意向嘅胡志偉，則向八方承認正就參選領導層「做緊啲準備」，最快都下周先會有正式公佈。